SOINUJOLEA NAIZ. Esaldi xume horrek laburbiltzen du, seguraski, nor naizen. 

erromeria.eus proiektuaren lehen diskoak ere izenburu hori darama. Azken finean, baieztapen labur horrek laburbiltzen baitu, ibilbide luze baten ondoren atera dudan ondorio sinplea.  Bidean, lanbide honek, musikariarenak alegia, dituen hainbat ikuspegi eta arlo ukitzera eraman nau: zuzeneko emanaldiak, irakaskuntza, telebista eta zinemarako musika ekoizpena, publizitatea...

Orain, eskarmentu hori guztia zaku batean sartu eta herriz-herri daramat emanaldi bakoitzak dituen behar zehatzei modu egokienean aurre egin eta zuek entzun, dantzatu edo abestu nahi dituzuen kantu hoiek eskeintzeko. Hor baitago gakoa: zuek gozatzen baduzue, nik ere bai.